- [url=]適中字型[/url]
- [url=]較大字型[/url]
| 本屆金馬評審主席李安私底下對拿到最佳導演嘅蔡明亮謂:「唉呀,我都不知道怎麼面對王導了。」 (資料圖片)
|
|
第五十六屆亞太影展下月舉行,今日於澳門舉行記者會公佈入圍名單, 大獎包括最佳導演、電影、男女主角都係由嗰幾部大片爭逐,分別係王家衛《一代宗師》、蔡明亮《郊遊》同新加坡電影《爸媽不在家》。完全係金馬獎翻版。反而麥浚龍執導電影《殭屍》就未見提名,遺珠鮑起靜自然亦未獲提名最佳女配角。至於憑《爸媽不在家》摘金馬獎最佳劇情片嘅導演陳哲藝,亦未獲亞太影展最佳導演提名,而《誰調換了我的父親》導演是枝裕和,則包攬最佳電影、導演、男主角及男配角多項殊榮,不容忽視。
王家衛嘅《一代宗師》,今次獲9項提名,但提名之數同得獎機會不一定成正比,或者有啲獎係你想攞大家都覺得有機會攞但最後攞唔到。《一代宗師》喺金馬獎獲11項提名,但結果只係拎到四個技術獎,大獎旁落,幸而還有一個最佳女主角章子怡。當晚金馬慶功,《一代宗師》梁朝偉缺席,令人紛紛揣測:點解呢?
問王家衛對今次亞太影展《宗師》獲9項提名,有何回應?澤東發言人梁小姐就回應謂:「非常開心可以獲得多個影展的肯定及提名,希望繼金馬獎後可以再接再厲成為亞太區大贏家。」「大贏家」三字委實可圈可點。是否話中有話,自行評斷。
... |